Bu barədə Report UNHCR-nin X sosial şəbəkəsindəki səhifəsindəki açıqlamaya istinadən xəbər verir.

"Fövqəladə sığınacaq dəstləri daşıyan yük maşını dronla vurulub. O, yüz minlərlə insanın təhlükəsizlik məqsədilə qaçdığı Tavilaya gedirdi. 1300-dən çox ailə indi təcili ehtiyac duyduqları sığınacaqsız qalıb", - deyə açıqlamada qeyd olunur.

Bildirilir ki, avtomobilin sürücüsü sağ qalıb.

"Bu cür hücumlar yolverilməzdir. Onlar insanların həyatını təhlükəyə atır və onsuz da dağıdıcı olan böhranı daha da ağırlaşdırır. Mülki əhali və humanitar işçilər qorunmalıdır", - deyə açıqlamada bildirilir.