Report-un məlumatına görə, bu barədə Azərbaycan Güləş Federasiyasının prezidenti Mikayıl Cabbarov X sosial şəbəkəsindəki səhifəsində yazıb.

"Tiranda keçirilən Avropa Güləş Çempionatında 13 medal (5 qızıl, 2 gümüş, 6 bürünc) qazanan komandamız öz tarixinə daha bir parlaq səhifə yazdı. Bu nəticə sayəsində həm yunan-Roma, həm də sərbəst güləş üzrə yığmalarımız Avropa çempionu oldu (komanda hesabında - red.)", - deyə Cabbarov qeyd edib.

Federasiya prezidenti vurğulayıb ki, azərbaycanlı sərbəst güləşçilər Tiranada son 17 ilin ən yaxşı nəticəsini əldə edərək layiqincə qızıl (3 qızıl, 2 gümüş və 1 bürünc medal) qazanıblar.

"Bu əlamətdar uğur münasibətilə idmançılarımızı, onların məşqçilərini və ailələrini ürəkdən təbrik edirəm. Azərbaycan idmanının beynəlxalq arenada belə qələbələrinin davamlı olmasını arzulayıram", - deyə paylaşımda bildirilir.