Bu barədə Report xəbər verir ki, deputat Siyavuş Novruzov Milli Məclisin yaz sessiyasının plenar iclasında bildirib.

Onun sözlərinə görə, Azərbaycanda ictimai-siyasi sabitlik ölkəni beynəlxalq tədbirlərin keçirilməsi üçün cəlbedici məkana çevirib.

“Buna misal olaraq dinlərarası və mədəniyyətlərarası dialoq, ekologiya və digər sahələrdə keçirilən beynəlxalq tədbirləri göstərmək olar. Azərbaycan bu istiqamətdə BMT ilə çox sıx əməkdaşlıq edir”.

Deputat əlavə edib ki, Azərbaycan “ağıllı” şəhər və kəndlər də daxil olmaqla yeni şəhərlərin tikintisi məsələsində nümunəvi ölkədir: “Bakıda keçiriləcək Dünya Şəhərlər Forumunun 13-cü sessiyası (WUF13) sayəsində digər ölkələr Azərbaycanın və digər dövlətlərin şəhərsalma sahəsində təcrübəsini mənimsəyib istifadə edə biləcəklər”.

Qeyd edək ki, WUF13 mayın 17-22-də Bakıda keçiriləcək. Forum Azərbaycanın BMT-nin Yaşayış Məntəqələri Proqramı (UN-Habitat) ilə sıx əməkdaşlığı çərçivəsində təşkil olunur və davamlı şəhərsalma, “ağıllı şəhərlər” və innovativ şəhər həlləri sahəsində beynəlxalq təcrübə mübadiləsinə yönəlib.