ABŞ Prezidenti Donald Trampın İranla bağlı paylaşımları Ağ Evdə parçalanmaya yol açıb.

Vesti.az-ın EDnews-ə istinadən verdiyi məlumata görə, Trampın Truth Social sosial şəbəkəsindəki aqressiv tonu və İranla bağlı tez-tez etdiyi paylaşımlar onun köməkçiləri arasında dərin fikir ayrılıqlarına səbəb olub.

Administrasiyanın bir qrup nümayəndəsi bu xətti dəstəkləyərək onu Tehrana təzyiqi artırmaq üçün bir vasitə kimi qiymətləndirir. Digər qrup isə bu cür bəyanatların «danışıqlara zərər vurduğunu» və hərbi münaqişəyə qədər eskalasiya riskini artırdığını xəbərdar edir.