Vesti.az xəbər verir ki, əvvəlcə brifinq zalında Azərbaycan xalqının Ümummilli Lideri Heydər Əliyevin və Vətən uğrunda canından keçən şəhidlərin xatirəsi ehtiramla yad edildi. Daha sonra Azərbaycan Respublikasının və Türkiyə Respublikasının Dövlət himnləri səsləndirildi.

İştirakçılara təlimlərə hazırlıq məqsədilə hazırlanmış videoçarx nümayiş etdirildi.

Ardınca inzibati məlumatlandırma və qarşıda duran vəzifələrlə bağlı brifinq təqdim edildi.

Qeyd edək ki, təlimlər birgə hava əməliyyatlarının planlaşdırılması və icrası sahəsində təcrübə mübadiləsi, şəxsi heyətin peşəkarlığının artırılması və koordinasiyanın gücləndirilməsi məqsədilə keçirilir.