Vesti.az-ın TASS-a istinadən verdiyi məlumata görə, bu barədə Aİ-nin Tbilisidəki diplomatik nümayəndəliyinin səfir Pavel Gerçinskinin Gürcüstanın baş nazirinin müavini və xarici işlər naziri Maka Boçorişvili ilə görüşünün yekunlarına dair bəyanatında deyilir.

Sənəddə vurğulanır ki, «Avropa İttifaqına qarşı dayanmadan və məqsədyönlü şəkildə aparılan ritorika Gürcüstanın inteqrasiya istəyinə olan inamı sarsır». Brüsseldə qeyd ediblər ki, Aİ «heç kəsi öz ailəsinin bir hissəsi olmağa məcbur etmir», lakin gürcü hakimiyyətinin hələ də açıq qalan «tarixi fürsəti əldən verməyəcəyinə» ümid edir.

Ayrıca qeyd olunub ki, Aİ-yə üzvlük bəyannamələr deyil, islahatlara və Avropa dəyərləri və standartlarına yaxınlaşmağa real sadiqlik tələb edir.

Həmin gün daha əvvəl Pavel Gerçinski Gürcüstan Xarici İşlər Nazirliyinə çağırılmışdı. Buna səbəb onun son vaxtlar Aİ-nin Gürcüstanın «zorakılığa, vətəndaş müharibəsinə, yoxsulluğa və korrupsiyaya» qayıtmasına yol verməməli olduğu barədə bəyanatı olub. Tbilisidə bu sözləri ölkəyə qarşı təhdid kimi qiymətləndiriblər.

Gürcüstanla Qərb arasında münasibətlərdə gərginlik 2024-cü ilin may ayında ölkə parlamentinin «Xarici təsirin şəffaflığı haqqında» qanunu qəbul etməsindən sonra artıb. Avropa İttifaqı və ABŞ dəfələrlə bu sənəddən imtina etməyə çağırıblar, lakin Gürcüstan hakimiyyəti onun QHT-lərin maliyyələşdirilməsinin şəffaflığını təmin etməyə yönəldiyini bildirir.