ABŞ-nin ümumi dövlət borcu tarixdə ilk dəfə 40 trilyon dollar həddini keçib.

Day.Az xəbər verir ki, ABŞ Maliyyə Nazirliyinin məlumatına görə, borcun 32,265 trilyon dolları hökumətin birbaşa borcunun, 7,781 trilyon dolları isə hökumətlərarası borcun payına düşür.

Nəticədə ümumi borc 40,047 trilyon dollara çatıb.

ABŞ-nin dövlət borcu 2022-ci ilin əvvəlində 30 trilyon dolları ötmüşdü. Beləliklə, beş ildən az müddətdə borc daha 10 trilyon dollar artıb. Pandemiya dövründəki stimullaşdırıcı tədbirlər, artan faiz xərcləri və vergi endirimləri borcun yüksəlməsinə təsir edən əsas amillər sırasında göstərilir.