AZƏRTAC BBC-yə istinadla xəbər verir ki, Milli Yanğın Rəisləri Şurasının nümayəndəsi Fil Qarriqan yaranmış vəziyyətin yanğınsöndürmə xidmətlərini inanılmaz təzyiq altında qoyduğunu bildirib. Ölkənin bir sıra bölgələrində, o cümlədən Qərbi Midlenddəki Stourbric, Sandvell, Perşor və Stok-on-Trent, həmçinin Hempşir və Cənubi Uelsdə böyük yanğınlarla əlaqədar fövqəladə vəziyyət elan edilib.

Stourbricdə yanğın nəticəsində 38 ev dağılıb və ya zərər görüb. Bəzi sakinlər hələ də evlərinə qayıda bilmirlər. Qərbi Midlend Yanğınsöndürmə Xidmətinin rəis müavini Saymon Barri bildirib ki, Stourbricdə yanğın nəzarət altına alınıb və hazırda yanğınsöndürənlər közərən ocaqların söndürülməsi üzərində işləyirlər.