Day.Az xəbər verir ki, bu barədə Perunun Milli Seçki Orqanı məlumat yayıb.

Fujimori 7 iyunda keçirilən ikinci turda səslərin 50,135%-ni, solçu "Peru üçün Birlikdə" partiyasının namizədi Roberto Sançes isə 49,865%-ni toplamışdı.

"Bülletenlərin 100%-i emal olunub. Bütün perulular üçün nizam və ümid yoluna qədəm qoymağa yaxınlaşırıq", - Fujimori sosial media platforması X-də seçkilərin nəticələri ilə bağlı şərh verib.

Milli seçki münsiflər heyəti Fujimorini iyulun 3-də rəsmi olaraq qalib elan edəcək.

Keiko Fujimorinin 51 yaşı var. O, Perunun keçmiş prezidenti Alberto Fujimorinin qızıdır.

Keiko Fujimorinin andiçmə mərasimi iyulun 28-də keçiriləcək. O, Perunun beş illik müddətə seçilən ilk qadın prezidenti olacaq.

Sançez əvvəllər Fujimori hökumətini tanımayacağını bildirmiş və səsvermənin nəticələrinin ləğv edilməsini tələb etmişdi.