"Report" xəbər verir ki, bu barədə məlumat Pakistan Xarici İşlər Nazirliyinin (XİN) "X" sosial şəbəkə hesabında yayılıb.

"Ən son regional proseslər, eləcə də Pakistanın davam edən diplomatik səyləri və tərəflərlə (ABŞ-İran) əlaqələr müzakirə edilib", - XİN-in bəyanatında qeyd olunub.

Bildirilib ki, söhbət zamanı A. Quterreş Pakistanın davam edən səylərini təqdir edərək, regional və beynəlxalq sülh, sabitlik üçün İslamabadın konstruktiv roluna görə beynəlxalq ictimaiyyətin dərin minnətdarlığını və dəstəyini çatdırıb: "O, BMT-nin Pakistanın davam edən səylərinə tam dəstəyini ifadə edib".